دعتلك من قلبي وكشفت راسي ربنا يوفقك ويكرمك بعمل احسن ويباركلك في بيتك وعيالك
ويديك مايبليك ويوليك ما يولي عليك ويجعل في قلبك سكره وفي بقك جوهرة ويجعل ايامك كلها شمعة منورة
ويرزقك رزقنا واسعا بلا ضيق تتعجب منه المخاليق
السبت، 12 يوليو 2008
دعواتكم يا طالباوية
السلام عليكم
أولا باعتذر عن عدم متابعتي للمدونة في الفترة الأخيرة أو المشاركة بالرد نظرا لظروف هاقولكم عليها.
في البداية اخبار في فضل ونعمة من الله عزوجل وابنتي "جنة" بخير والحمد لله
على فكرة انا مبسوط جدا من كم المشاركة في المدونة وبصراحة اكتر واحد فرحت جدا لما قريت موضوعه على المدونة هو الكابتن عصام وبجد والله وحشتني :)
المهم يا طالباوية محتاج دعواتكم عشان انا تركت الشركة اللي كنت باشتغل فيها في الرياض وحاليا في مرحلة البحث عن عمل وللي ما يعرفش تخصصي فهو إدارة المحتوى الإلكتروني في مواقع الانترنت، وكمان تحرير الأخبار والمقالات.
فدعواتكم إن ربنا يقدر لي الخير وييسر لي الأمور خلال الفترة اللي جايه.
وطبعا اللي عنده فرصة عمل يا ريت يبلغني على طول :)
ودعواتكم يا أحلى عشرة.. يا عشرة عمر
أحمد سليم
" أبو سليم الصغير"
أولا باعتذر عن عدم متابعتي للمدونة في الفترة الأخيرة أو المشاركة بالرد نظرا لظروف هاقولكم عليها.
في البداية اخبار في فضل ونعمة من الله عزوجل وابنتي "جنة" بخير والحمد لله
على فكرة انا مبسوط جدا من كم المشاركة في المدونة وبصراحة اكتر واحد فرحت جدا لما قريت موضوعه على المدونة هو الكابتن عصام وبجد والله وحشتني :)
المهم يا طالباوية محتاج دعواتكم عشان انا تركت الشركة اللي كنت باشتغل فيها في الرياض وحاليا في مرحلة البحث عن عمل وللي ما يعرفش تخصصي فهو إدارة المحتوى الإلكتروني في مواقع الانترنت، وكمان تحرير الأخبار والمقالات.
فدعواتكم إن ربنا يقدر لي الخير وييسر لي الأمور خلال الفترة اللي جايه.
وطبعا اللي عنده فرصة عمل يا ريت يبلغني على طول :)
ودعواتكم يا أحلى عشرة.. يا عشرة عمر
أحمد سليم
" أبو سليم الصغير"
الجمعة، 11 يوليو 2008
هير/ أبو جنى وصل يارجاله
في بداية كلامي ودا مش نهاية الأمربوصل سلامـي لأحــلى عشرة عمر
اللي معاهم فرحت و ف حضـنهم بكيت
وف لمتهم لعبت وبديـت وما انتهيت..!
وحشتوني يا طلباوية..ياللي قعدتكم 100/ 100...ودي أقل تحية... من أبو جنى هدية.
الحمد لله
أنا بخير وفي نعمة، ونفسي أشوفكم كلكم على خير، وادعولي.... وادعو لأخويا لأنه عمل حادثة بالعربية والحمد لله هو بخير،بس العربية شويةملحوظة: الراجل بتاع المدونة ده راجل تمام، فكرة رائعة وعجبتني جداً وياريت نكتب فيها دائماً علشان نفضل عارفين أخبار بعض، وربنا يديم المعروف... وكل سنة وانتو طيبين..
وألف سلامة على ابنك يا جوزيف,ومبروك الخطوبة يابوحميد،ومبروك على أروىيا درش,وحمدالله على سلامة الجايين والرايحين، ويارب تطلع بسمكة يا كيمو .....ومازال النيل يجري
هير/أبو جنى
الخميس، 10 يوليو 2008
الأربعاء، 9 يوليو 2008
رجعت للمحروسة بس زيارة قصيره للاسف
شباب الطالبية الاحباب رسالة محفوفه بالاشواق و الحنين الى الاحباب وصلت امس الثلاثاء لليلا الساعة 2 مساء الى الطالبية
اتمنى ان اراكم جميعا , و يريت نرتب ماتش من بتوع زماااااااان , او نعمل خروجه نتلم فيها
الزيارة قصيره للاسف زى ما قولت فى الاول لمدة 10 ايام فقط
ابو اينوا
محمد الدرينى
الثلاثاء، 8 يوليو 2008
وحشتونى جدااااااااا ومحتاج الدعاء بشدة
يعلم الله اد اية انتم وحشتونى ومحتاج ليكم جداااا بس الظروف والارتباطات كتير
عصام عبد الخالق
محتاج للدعاء بشدة
ان شاء الله مسافر بطولة العالم للتايكوندو يوم الاثنين 14/7/2008
World University Taekwondo Championship
Belgrade, Serbia
الجمعة، 4 يوليو 2008
3/7/2008 يوم الخطوبة السعيد
السلام عليكم ...
اخوانى الاعزاء .. الطالبوية الكرام .. فينكم و فين اخباركم
انا الحمد لله كويس و بخير و صحتى كويسة
و عندى خبر جديد و طازة حبيت اقولكم عليه و تشاركونى المناسبة السعيدة دى .. ان الحمد لله ربنا وفقنى و خطبت امبارح
و ربنا يوفقنا لباقى الخطوات اللى بعد كده " العقد و الزواج " ان شاء الله
و يارب كلكم تبقوا فى مصر عشان تنورونا و تكتمل فرحتنا
جزاكم الله خيرا
و أراكم على خير
أخوكم / أحمد سنوسى
:)
:)
الاشتراك في:
الرسائل (Atom)
