رمضان كريم

السلام عليكم ورحمة الله وبركاته

كل سنة وأنتو طيبين يا أحبائى بمناسبة شهر رمضان .أتمنى من الله أن يصلح حالنا فى رمضان

ويغفر لنا فيه ويكتبنا جميعا ومن نحب من أهل الفردوس الأعلى

ويبلغنا ليلة القدر

وحشتونى جدا جدا وأتمنى من الله أن أراكم أنتم وأهليكم فى خير حال فى القريب العاجل

لا تنسونا من صالح دعواتكم

أخوكم أحمد مصطفى

آخر أخبارى

السلام عليكم يا أحلى طلباوية.

كل سنة و أنتوا طيبين جميعاً بمناسبة شهر رمضان الكريم.

أولا باعتذر عن التأخير فى الكتابة اليكم مع العلم أنى متابع اخباركم جميعاً و سعيد جداً جداً بهذه الوسيلة للتواصل.

كما يعلم البعض،أنا فى الكويت الآن و لكن سوف أعود الى مصر نهائى قبل العيد ان شاء الله.

أيضاً فى انتظار المولود الأول بعد حوالى 3 اشهر.ناوى اسمى عمر ان شاء الله.أنس هيكون اب يا جماعة :)))))))))))))))))

تليفونى فى مصر هو 0104040144

اتمنى ان اراكم و اسمع صوتكم و أخر أخباركم.

أنس حلمى (من الكويت)

الحياة حلوة مع ......

..... كل من نظرت إليه وابتسمت
..... كل من فهم كلامي دون كلام
..... كل من غاب عني ودعوت له
وحشتوني....
معلش على التأخر في الكتابة، آخر أخباري إني أخذت أجازة بدون مرتب ونزلت شغل جديد.. وراسم دور المدير...ادعولي
وزوجتي وبنتي بخير والحمد لله... افتكروني في سركم

هير أبو جنى

خبر واقتراح

حبايبانا الطالباوية

السلام عليكم ورحمة الله وبركاته

طبعا في الاول لازم اعتذر عن التغيب الفترة الطويلة دي عن الكاتبة لكن معلش ادي العجلة رجعت تدور تاني وبدأنا نشوف مشاركات جديدة.

عاوز اقولكم على خبر جديد واقتراح.

أولا: انا اخر اخبار اني الحمد لله حصلت على ترقية في الشغل وبقيت senior editor وادعولنا بقى ربنا يوفقنا ونثبت نفسا في المكان الجديد.

ثانيا: عندي اقتراح، بما اننا على ابواب شهر رمضان المبارك اتمنى ان كل واحد فينا كل يوم عند افطاره يدعو لاخوانه بالاسم، بما يفتح الله به عليه، ويا سلام بقى لو كلف خاطره شويه وفكر كل واحد بيتمنى ايه ودعاله بيه (اللي بيتمنى شغل، واللي بيتمنى الذرية الصالحة، واللي بيتمنى الشفاء واللي بيتمنى زيادة في الرزق، ... كده يعني).

ايه رأيكم؟

جمعنا الله واياكم في الجنة بعد ان فرقتنا الدنيا

سلام

أحمد الليثي

آخر الأخبار

السلام عليكم يا طالباوية

أولاً باعتذر عن الانقطاع الفترة اللي فاتت سواء في الكتابة أو المشاركة.. وإن كان ده حال كل الطالباوية اللي ناموا تماماً في الفترة اللي فاتت وأنا متوقع إن كل واحد كان بيفتح المدونة ولو ما شافش موضوع جديد ما بيكتبش هو..

ع العموم أنا إخباري في فضل ونعمة من ربنا اشتغلت الحمد لله في شركة تصميم مواقع اسمها أيكونز ومكانها قريب جدا في آخر شارع عباس العقاد :((( والحمد لله

وما زلت بادور على مكان أفضل واقرب بصراحة بيني وبينكم عشان اوقات باروح الشغل في ساعتين ونصف.. ودعواتكم معانا

زوجتي وجنة الحمد لله بخير.. ولا جديد عندي تاني

الطالباوي/ أحمد سليم

يا طلباوية يا جدعان

السلام عليكم ورحمة الله وبركاته

كلام الحاج محمد سنوسي من الجزائر حاليا مية ميه احنا اول ما عرفنا بفكرة المدونة كنا كلنا مليانين مشاعر مش عارف المشاعر شكلها اتدلدقت

على العموم انا لسه فيه شوية معايا

انا والحمد لله بخير بس كنت امبارح ببكي من شدة الوجع في الكلي

ورحت للجمعية واتعلقلي محاليل وكان فيه احتمال للحصوة على الكلي بس الحمد لله طلع عندي املاح كتيرة شوية

طبعا علشان انا حدق

وانا الحمد لله دلوقتي

ومن اخباري ايضا روحت شغل جديد في شركة دعاية وإعلان ( مدير )

وادعولي ربنا يوفقني في الشغل الجديد ده ولو حد عنده اي افكار للدعاية والإعلان أو التصميمات ربنا يكرمه ويعرفنا ونكون شاكرين افضال معاليه لإنه طلباوي على طول............

الطلباوي الوحيد الأصلع ..... كرم الجبالي

اشتقنا اليكم

شباب الطالبية الاحباب طبتم اينما كنتم و سمعنا عنكم كل خير و سلمكم الله من كل اذى و سوء و بارك فيكم و فى فكرتكم هذه فقد حظيت فكرة المدونة على اعجابكم و اعجاب كل من سمع عنها حتى و ان كان لم يشارك فيها بل طالب باصدقائه المحيطين به ان تكون لهم مثل هذه المدونة فكان من فضل الله علينا ان جمعنا على هذه المدونة و جعلنا نطمئن على احوالنا و نتواصل و كان الاقبال عليها عاليا جدا خاصة فى شهر يونيو و هو شهر التاسيس فكان حجم التفاعل عاليا جدا و لكن سرعان ما انطفأ توهج المشاعر و الاحاسيس و قلت المشاركات و لا ادرى لماذا و لكن احسب ان الدنيا بها الكثير من المشغلات و لكن اظن ايضا ان كثيرا منا يدخل على النت باستمرار يوميا بل منا من يعمل فى مجال الانترنت بصورة دورية و لا اعلم لماذا لا يخبرنا عن اخباره و احواله او حتى افكاره
فيا احبابنا اشتقنا اليكم و الى معرفة اخباركم و احوالكم و اظن ان هناك الكثير من الاخبار الجديدة عندكم فلا تحرمونا من التواصل معكم
و لقد اقترحت فى تدوينتى الاخيرة فكرة اخر خبر و لتكن اسبوعية و حتى و ان كان ليس هناك خبرا جديدا فادخل و علق على من كتب فبهذا يتم التواصل و يستمر الحب متدفق فى القلوب فلقد احببناكم و سنظل نحبكم فبالحب نلتقى و على الحب نفترق فلا تحرمونا من حبكم الذى احسب بل اوقن انه راسخ فى القلوب رسوخ الجبال
اخوكم محمد سنوسى

من صحراء الجزائر

حبايبنا الطلباوية وحشتونى قوى و وحشتنا كتابتكم على المدونة يا ريت يا شباب نطمن بعض على اخبارنا اول باول و يا ريت يكون عندنا حاجة اسمها اخر خبر و يا ريت تكون اسبوعية حتى نطمئن عليكم

اخر خبر : انا بكلمكم الان من الجزائر بفضل الله و منته وصلت امس 7/8/2008 و انا بخير و الحمد لله رقم موبايلى 00213790921305

أسالكم الدعاء

محمد سنوسى

فينوكوا / ابن جوزيف / انا بخير

اولا السلام عليكم و رحمة الله بركاته ازيكم يا طالباوية وحشتونى جدا و فينكم مختفين ليه و مفيش اى جديد على المدونة انا كده اقلق عليكم

ثانيا : - ابن جوزيف يوسف محمد يوسف الحمد لله عمل عملية اللوز و خرج من المستشفى يوم الثلاثاء الماضى و الحمد لله بخير

ثالثا :- الى جميع الاحباب طمنونا عليكم انا بخير فهل انتم بخير

من مكة المكرمة

اخوكم

ابو اينوا