حبايبانا الطالباوية
السلام عليكم ورحمة الله وبركاته
طبعا في الاول لازم اعتذر عن التغيب الفترة الطويلة دي عن الكاتبة لكن معلش ادي العجلة رجعت تدور تاني وبدأنا نشوف مشاركات جديدة.
عاوز اقولكم على خبر جديد واقتراح.
أولا: انا اخر اخبار اني الحمد لله حصلت على ترقية في الشغل وبقيت senior editor وادعولنا بقى ربنا يوفقنا ونثبت نفسا في المكان الجديد.
ثانيا: عندي اقتراح، بما اننا على ابواب شهر رمضان المبارك اتمنى ان كل واحد فينا كل يوم عند افطاره يدعو لاخوانه بالاسم، بما يفتح الله به عليه، ويا سلام بقى لو كلف خاطره شويه وفكر كل واحد بيتمنى ايه ودعاله بيه (اللي بيتمنى شغل، واللي بيتمنى الذرية الصالحة، واللي بيتمنى الشفاء واللي بيتمنى زيادة في الرزق، ... كده يعني).
ايه رأيكم؟
جمعنا الله واياكم في الجنة بعد ان فرقتنا الدنيا
سلام
أحمد الليثي
هناك 5 تعليقات:
ليثى حبيبى
مبروك الترقية و عقبال كده ما نشوف اثرها فى الغداء او حتى العشاء ,علشان بس ربنا يبارك و ما تفهمنيش غلط ,
بالرغم ان موضوع الانقطاع ده مش لقيله اى سبب و لكن ( لعل عنده عذر ),ارجوا ان يكون التفاعل اكثر و اكبر
اخوك
ابو اينوا
السلام عليكم يا باشا
مبروك على الترقية يا باشا
الحاجة تانية مفيش غيري أنا وأنت في رمضان عشان نفطر سوا ولا ايه
عايزين نرتب فطار رمضان مع بعض يا باشا
وما تنساش انت عليك الخشاف اللي دايما بتجيبه بعد ما نكون فطرنا اساسا :))
سليم
حبيبى الليثى ايوه كده يا نجم عاشت الاخبار الجميلة و عاشت الاقتراحات البناءة - الف مبروك على الترقية و عقبال المزيد
اما عن الاقتراح فانا اؤيده خاصة فى الدعاء اللى قبل الفطار على طول اللى بعد اذكار المساء يا ريت نفتكر بعض و هذا لا يغنى عن الدعاء عند الافطار
عاشت الافكار
والله اقتراح جميل ياليثى
وبلغنا جميعا الشهر الكريم
بيكو
إرسال تعليق