عيد ميلاد سعيد رودى

اليوم بفضل الله و منته يوم ميلاد الامورة الصغيرة و ابنتنا المصونة رويدا فى 23/6/2006 و بفضل الله تمت عامها الثانى و هى فى احسن صحة و الحمد لله و سمعنى احلى اغنية بهذه المناسبة " يا بنت المصون انت نور عيونى "

هذا اجدد خبر عندى بعد موضوع سفرى - و بصراحة ما اخبيش عليكم انا لسه لم اشترى هديتها و محتار اجيبلها ايه ؟ فأى حد عنده اقتراح فليتقدم به بس يخلى باله اننا فى اخر الشهر يعنى اللى هيقول عربية و لا شقة على النيل او حتى عريس يبقى يوفر كلامه لكن خلينا فى المعقول

طبعا رويدا يسبقها فى السن و لكن بشهور قليلة رزان مصطفى و جنة سليم و مريم الليثى و جنة سيد شحاته حيث تمت ولادة البنات جميعا ما شاء الله فى سنة واحدة و فى اشهر متقاربة فكانت البداية بمريم الليثى فى 9/1/2006 و النهاية برويدا فى 23/6/2006

بارك الله فى البنات و خيركم من بكر بأنثى

اخوكم / محمد سنوسى